فات الميعاد

فات الميعاد ياعمرى والقلوب بعدت
وبعد القرب اصبح بينها مسافات ومسافات
وكل الذى كان تحول لذكريات
انت نسيت وانا هنسى ما كان
انسى اسباب البعاد وانسى اللى فات واللى آت
واعتب على الزمان اللى مال على قلبى ومال
لما كدبت كان فين الاحساس أو حتى الاخلاص كله راح فى خبر كان
ياريت عرفت النهاية قبل البداية ويصبح الحلم خيال وسراب
ويادوب كان كلام فى كلام
حتى الحلم كان اوهام
وما تبقى غير العذاب والجراح والفراق
ليه كنت زى الزمان غدار غدار
وضاع الامل حتى من غير كلمة وداع
تفتكر لسه جاى تانى ميعاد؟
والا يا دنيا الميعاد فات من زمان؟
ازاى ياحلم عمرى تنسى الاهات وتنسى دقات القلب الحزين
اللى قال ياخوفى من اللى جاى من السنين
وتاهت معاك فى شوق وحنين
همسة حيرى تبحث عن ايد تمسك فى الايد
ايه يازمن هتحكى ايه والا ايه
هاقولك انا ....كان ليه الضنى والهجر والانين
ليه الفراق ؟ ليه العتاب؟ ليه العذاب؟
هو الزمان خلاص قال كلمته من زمان والا قال قبل الاوان بزمان
كان ياما كان ياساده ياكرام لما تدور الايام وينقلب الحال الى حال
وتنتهى الامال وتصبح الام
ويرجع انين السنين من كتر الشوق والحنين
تفيد بأيه ياندم وهتندم على ايه؟
والا ايه والا ايه
اقول لك خلاص
فات الميعاد